Το Ποίημα της Ημέρας: Ζωή εν τάφω- Άξιον Εστί, Αι Γενεαί Πάσαι (Ω Γλυκή μου Έαρ)

ΣΤΑΣΙΣ ΠΡΩΤΗ Ἦχος πλ. α’.

Ἡ ζωὴ ἐν τάφῳ,

κατετέθης Χριστέ,

καὶ Ἀγγέλων στρατιαὶ ἐξεπλήττοντο

συγκατάβασιν δοξάζουσαι τὴν σήν.

Ἡ ζωὴ πῶς θνῄσκεις;

πῶς καὶ τάφῳ οἰκεῖς;

τοῦ θανάτου τὸ βασίλειον λύεις δέ,

καὶ τοῦ ᾅδου τοὺς νεκροὺς ἐξανιστᾶς.

Μεγαλύνομέν σε,

Ἰησοῦ Βασιλεῦ,

καὶ τιμῶμεν τὴν Ταφὴν καὶ τὰ Πάθη σου,

δι’ ὧν ἔσωσας ἡμᾶς ἐκ τῆς φθορᾶς.